Joriy yilning 9 yanvar kuni Davlat statistika qo’mitasida Jahon banki vakillari bilan uchrashuv bo’lib o’tdi.

Uchrashuvda, ta’lim sohasi bo’yicha Davlat statistika qo’mitasi tomonidan yig’iladigan ma’lumotlar turlari, tarkibi, va ularning tarqatish masalalari muhokama qilindi.

Shu bilan birga, uchrashuvda, Davlat statistika qo’mitasi tomonidan Xalq ta’limi vazirligi va boshqa idoralardan ta’lim sohasi bo’yicha statistik ma’lumotlarni yig’ish masalalari haqida so’z bordi.

Uchrashuv iliq va do’stona ruhda bo’lib o’tdi.

Axborotlarni tarqatish, xalqaro axborot almashuv
va jamoatchilik aloqalari boshqarmasi




2017 yil dekabr oyi uchun O’zbekiston Respublikasining iste’mol sektorida inflyatsiya darajasi

1. Iste’mol narxlari indeksi (INI) va inflyatsiya darajasi

2017 yilning dekabr oyida tovar va xizmatlar narxlari darajasi o’rtacha 2,7 %ga oshdi, jumladan, oziq-ovqat mahsulotlari 4,4 %ga, nooziq-ovqat mahsulotlari 1,8 %ga va xizmatlar 0,8 %ga ko’tarilgan.

Diagrammada ko’rinmoqdaki, 2017 yil dekabr oyida asosiy inflyatsion omil sifatida oziq-ovqat mahsulotlari narxlarining o’sishi bo’ldi (ta’sir ulushi 70,2 %).

Ma’lumot uchun: 2016 yilning dekabr oyida oziq-ovqat mahsulotlari narxlarining ko’tarilishi umumiy INI o’sishida 73,3 %, nooziq-ovqat mahsulotlari 22,2 %, xizmatlar 4,5 % ni tashkil etgan.

2. Oziq-ovqat mahsulotlarining iste’mol narxlari indeksi

Yuqorida qayd etilganidek, oziq-ovqat mahsulotlari oy davomida o’rtacha 4,4 %ga qimmatlashib, INI umumiy o’sishini 1,9 f.d1 ta’minladi.

Ma’lumot uchun: 2016 yilning dekabr oyida oziq-ovqat mahsulotlari 2,0 %ga qimmatlashgan.

2017 yil dekabr oyida asosiy turdagi oziq-ovqat mahsulotlari narxlarining o’sishi

(o’tgan oyga nisbatan % da)

2017 yil dekabr oyida asosiy turdagi oziq-ovqat mahsulotlari narxlari o’sishi bilan bir qatorda, ayrim mahsulotlarning narxlari arzonlashganligi kuzatildi. Jumladan sabzi 15,9 %ga, karam 5,9 %ga, mosh 4,7 %ga va parranda go’shti mahsulotlari narxlari 4,5 %ga arzonlagan.

3. Nooziq-ovqat mahsulotlarining iste’mol narxlari indeksi

Nooziq-ovqat mahsulotlarining oy davomida 1,8 %ga qimmatlashdi, bu o’z navbatida umumiy INIning 0,6 % f.d. o’sishiga olib keldi.

Ma’lumot uchun: 2016 yilning dekabr oyida nooziq-ovqat mahsulotlari narxlari o’sishi 0,8 %ni tashkil etgan.

Nooziq-ovqat mahsulotlari narxlarining umumiy o’sishda 75,0 %ni quyidagi mahsulotlar hisobiga ro’y berdi:

4. Xizmatlar iste’mol narxlari indeksi

Aholi uchun pullik xizmatlar sohasi dekabr oyida 0,8 %ga qimmatlashdi. Bu esa iste’mol narxlari indeksining umumiy o’sishiga 0,2 % f.d.da ta’sir qildi.

Ma’lumot uchun: 2016 yilning dekabr oyida xizmatlar sohasi tarifi 0,3 %ga oshgan.

Ushbu sohada asosiy inflyatsion omil sifatida huquqiy xususiyatga ega xizmatlar va bank xizmati tariflari 15,0 %ga, maishiy xizmatlar 1,6 %ga, ta’lim xizmatlari 1,2 %ga va tibbiyot xizmatlari 1,1 %ga qimmatlashdi.

1 f.d.- foiz darajasi

Narxlar statistikasi boshqarmasi




Hisobot taqdim etuvchi sub`ektlar diqqatiga!

O`zbekiston Respublikasi Prezidentining 2017 yil 28 dekabrdagi PF–5290-son “2018 yilda rasmiy sanalarni nishonlash davrida qo`shimcha ishlanmaydigan kunlarni belgilash va dam olish kunlarini ko`chirish to`g`risida”gi Farmoni munosabati bilan, davlat statistika hisobotlarining quyidagi shakllarini topshirish muddatlari 2018 yil 6 yanvargacha (6 yanvarni ham qo`shib) uzaytiriladi: Shakllar ro`yxati (23 kb)(docx).

Shu bilan birga, Davlat statistika qo`mitasi serverlari kechayu kunduz ishlashini va Siz hohishingizga qarab hisobotlarni belgilangan muddatdan avval yuborishingiz mumkinligini ma`lum qilamiz.

Axborotlarni tarqatish, xalqaro axborot almashuv
va jamoatchilik aloqalari boshqarmasi




Joriy yil 25 dekabr kuni Qoraqalpog`iston Respublikasi, viloyatlar va Toshkent shahar statistika boshqarmalarining Demografiya va mehnat statistikasi bo`limlari boshliqlari ishtirokida o`quv-seminari tashkil etildi

Joriy yilning 25 dekabr kuni Davlat statistika qo`mitasining Kadrlarni qayta tayyorlash va statistika tadqiqotlari markazida hududiy statistika boshqarmalarining Demografiya va mehnat statistikasi bo`limlari boshliqlari ishtirokida demografiya va mehnat statistikasi sohasi bo`yicha “Hududiy statistika organlarining 2017 yildagi faoliyati natijalari va 2018 yilga ustuvor yo`nalishlar, statistik va tahliliy materiallarni o`z vaqtida va sifatli tayyorlash hisobot va ijro intizomini ta`minlash bo`yicha davlat statistika organlarining vazifalari” mavzusida o`quv-seminari o`tkazildi. Mazkur o`quv-seminarda, Qo`mitada va hududiy statistika boshqarmalarida demografiya va mehnat statistikasi bo`yicha amalga oshirilgan ishlar holati, mazkur soha bo`yicha ma`lumotlarni shakllantirishda yuzaga kelayotgan muammolar hamda ularni kelgusida bartaraf etish yo`llari, shu bilan birga, hududiy statistika boshqarmalari xodimlarining malakasi va shaxsiy mas`uliyatini yanada oshirish masalalari tanqidiy muhokama etildi. Shuningdek, 2018 yilda demografiya va mehnat statistikasi bo`limlari faoliyatining ustuvor yo`nalishlari, statistik va tahliliy materiallarning o`z vaqtida va sifatli tayyorlash, hisobot va ijro intizomini ta`minlash, sohani rivojlantirish bo`yicha ishlarni takomillashtirish hamda bo`lim faoliyatiga tegishli bo`lgan bir qator qo`shimcha vazifalar belgilab olindi.

Axborotlarni tarqatish, xalqaro axborot almashuv
va jamoatchilik aloqalari boshqarmasi




Hisobot beruvchi tashkilotlar diqqatiga!

2018 yil uchun davlat statistika hisoboti shakllari Davlat statistika qo’mitasining 2017 yil 9 noyabrdagi 6-mb sonli qarori bilan tasdiqlandi.

Davlat statistika qo’mitasining 2017 yil 9 noyabrdagi 6-mb-son qarori bilan tasdiqlangan, Adliya vazirligi tomonidan belgilangan tartibda ro’yxatdan o’tkazilgan (ro’yhat raqami 2956, 2017 yil 19 dekabr) 2018 yil uchun davlat statistika hisoboti shakllari Davlat statistika qo’mitasining rasmiy saytida quyidagi manzil bo’yicha joylashtirildi: https://stat.uz/uz/statinfo/metodologiya/hisobotlar-shakllari Ushbu davlat statistika hisobotlari hisobot topshiruvchi sub’ektlarga mo’ljallangan bo’lib, 2017 yil uchun yillik va 2018 yil davrlari uchun taqdim etiladi.

Shuni eslatib o’tmoqchimizki, barcha hisobot shakllari elektron ko’rinishda Internet tarmoғi orqali eStat 2.0. dasturidan foydalangan holda taqdim etilishi lozim.

Axborotlarni tarqatish, xalqaro axborot almashuv
va jamoatchilik aloqalari boshqarmasi




2017 yil 21 dekabr kuni soat 16-00da Toshkent moliya institutida “Milliy statistika tizimi, islohotlar, natijalar va kelgusidagi vazifalar” mavzusida davra suhbati tashkil etildi.

Tadbirda Davlat statistika qo`mitasi, Kadrlarni qayta tayyorlash va statistik tadqiqotlar markazi, Toshkent moliya instituti xodimlari, talabalar va ommaviy axborot vositalari vakillari ishtirok etdi.

Davra suhbatida aytilganidek, O`zbekiston Respublikasi Prezidentining 2017 yil 31 iyulda qabul qilingan “Davlat statistika qo`mitasi tizimi faoliyatini yanada takomillashtirishga doir chora-tabirlar to`g`risida”gi PQ-3165 son qarorida statistika idoralari faoliyatini xalqaro amaliyotga yanada moslashtirish, zamonaviy axborot-kommunikatsiya texnologiyalarini keng joriy etish, statistik axborotlarning maksimal darajada ochiq-oydinligi va oshkoraligini ta`minlash masalalariga alohida e`tibor qaratilgan.

Mazkur tadbir davomida ishtirokchilar tomonidan iqtisodiyotning real sektori tarmoqlarida ko`rsatkichlarni hisobga olish, valyuta bozorini liberallashtirish natijasida makroiqtisodiy ko`rsatkichlar o`zgarishining statistik raqamlarda aks ettirilishi, statistik hisobotlardagi o`zgarishlarga oid bir qator savollarga hamda tadbir ishtirokchilarini qiziqtirgan boshqa savollarga ham atroflicha javob qaytarishdi.

Axborotlarni tarqatish, xalqaro axborot almashuv
va jamoatchilik aloqalari boshqarmasi




Davlat statistika qo`mitasi vakili “Tarqatish va kommunikatsiya” o`quv kursida ishtirok etdi.

2017 yilning 12-14 dekabr kunlari Madrid shahrida (Ispaniya) Yevrostat tomonidan Ispaniyaning Milliy statistika instituti bilan birgalikda “Tarqatish va kommunikatsiya” o`quv kursi tashkil etildi.

Bu o`quv kursida, Davlat statistika qo`mitasining Axborotlarni tarqatish, xalqaro axborot almashuv va jamoatchilik aloqalari boshqarmasi boshlig`i o`rinbosari – A.Sultanov ishtirok etdi.

O`quv kursida, ma`lumotlarni vizuallashtirish, statistik axborotlarni yetkazish va kommunikatsiyalar masalalari bo`yicha xorijiy mamlakatlarning zamonaviy tajribasi, shuningdek statistik ma`lumotlarni tarqatish kabi masalalar o`rganildi.

Axborotlarni tarqatish, xalqaro axborot almashuv
va jamoatchilik aloqalari boshqarmasi