2017 ЙИЛНИНГ БИРИНЧИ ЯРИМ ЙИЛЛИГИ УЧУН ТОШКЕНТ ШАҲРИДА АСОСИЙ КАПИТАЛГА ИНВЕСТИЦИЯЛАР

      Тошкент шаҳрида ижтимоий соҳа ва иқтисодиётни ривожлантириш учун барча мулкчилик шаклларидаги ташкилотларнинг 2017 йил январь-июнь ойида 4886,3 млрд.сўм (2015 йилга нисбатан 110,4 фоиз) асосий капиталга инвестицияларидан фойдаланилди.

      Ҳисобот даврида асосий капиталга инвестицияларнинг асосий қисми ишлаб чиқариш саноати, профессионал, илмий ва техник фаолият, турар жой қурилишига инвестициялар соҳаларига тўғри келади яъни уланинг улуши январь-сентябрда мос равишда 20,7%, 12,3% ва 12,1%ни ташкил қилди.

      2017 йилнинг январь-июнь ҳолатига Тошкент шаҳри бўйича Давлат мақсадли дастурларини амалга ошириш учун амалда 159,3 млрд. сўм фойдаланилди, улардан 32,6 фоиз Республика йўл жамғармаси (51,9 млрд.сўм); мос равишда, 26,2 фоизини умумтаълим ва тиббиёт муассасаларини капитал таъмирлаш ва жиҳозлаш, реконструкция қилиш фонди ҳисобидан (41,8 млрд.сўм); 41,2 фоиз ОТМларнинг материал техник базасини ривожлантириш фонди (65,6 млрд.сўм) инвестициялар ўзлаштирилди.

Асосий капиталга хорижий инвестициялар ва кредитлар.

      Тошкент шаҳрида 2017 йил январь-июнь ҳолатига 616,1 млрд.сўм (доллар эквивалентида 171,9 млн. АҚШ доллари) ёки ўтган йилга нисбатан 65,0 фоиз асосий капиталга хорижий инвестиция ва кредитлар ўзлаштирилди ва унинг жами асосий капиталга инвестициялардаги улуши 12,6 фоизни ташкил этди.

      Хорижий капитал иштирокидаги корхоналар томонидан 468,6 млрд.сўм ёки жами хорижий инвестицияларнинг 30,9 фоизи ўзлаштирилди.

      2017 йил январь-июнь ҳолатига ўзлаштирилган тўғридан-тўғри хорижий инвестициялар ва кредитлар ҳажми 392,0 млрд.сўмни (доллар эквивалентида 109,4 млн. АҚШ доллари) ташкил этиб, жами инвестициялардаги улуши 8,0 фоизни ташкил этди.

      Қурилиш ишлари. Пойтахтимизда 2017 йил январь-июнь ҳолатига 2554,5 млрд.сўм (ўтган йилга нисбатан 108,9 фоизга), улардан кичик пудрат ташкилотлари ва микрофирмалар томонидан 1818,8 млрд. сўм ёки ўтган йилга нисбатан 116,4 фоиз қурилиш ишлари бажарилди.

    ___________________________________________________
     
    Xato topdingizmi?
    Uni belgilang, so'nggra quyidagi
    CTRL + ENTER
    tugmalarini bosing
    ___________________________________________________