Joriy yilning 19- sentabr kuni Uchtepa tumani “Sharq yulduzi” MFYda “Aholini ro‘yxatga olishning ahamiyati” mavzusida tadbir tashkil etildi.
Unda Toshkent shahar statistika boshqarmasi “Ro‘yxatga olish jarayonlarini tashkil etish va uni o‘tkazish” bo‘limi boshlig‘i B.Boymurodov Vazirlar Mahkamasining 2020-yil 11-noyabrdagi “Oʻzbekiston Respublikasida 2023- yilda aholini roʻyxatga olishga tayyorgarlik koʻrish va uni oʻtkazish chora-tadbirlari toʻgʻrisida”gi 710-son qarori doirasida amalga oshirilgan ishlar, “Aholini roʻyxatga olish toʻgʻrisida”gi Oʻzbekiston Respublikasi qonuni ijrosini taʻminlash maqsadida aholini ro‘yxatga olishning mazmun-mohiyati, ahamiyati va uni o‘tkazish nima uchun zarurligi to‘g‘risida to‘xtalib, mahallalarning yangilangan xaritasiga kiritilgan o‘zgartirishlarni joyiga chiqib, raqamlangan va raqamlanmagan uylarni xarita bilan solishtirish ishlari amalga oshirilayotganini takidlab o‘tdi.
Shuningdek, ushbu tadbirga puxta tayyorgarlik ko‘rish yuzasidan amalga oshirilayotgan ishlar holati va kelgusidagi ustuvor vazifalar to‘g‘risida batafsil tushuntirishlar berdi.
Tadbir so‘ngida, Aholini ro‘yxatga olish tadbiriga tayyorgarlik jarayonlari to‘g‘risida ishtirokchilarni qiziqtirgan savollarga, mas’ul xodimlar tomonidan javoblar berildi.
Axborot xizmati