TOSHKENT SHAHAR

Joriy yilning 26-iyun sanasida Toshkent shahar statistika boshqarmasida Oʻzbekiston Respublikasi Vazirlar Mahkamasining 12.06.2026-yildagi “Ijro etuvchi hokimiyat organlari va davlat korxonalarida autsorsing xizmatlarini tashkil etish mexanizmlarini takomillashtirish chora-tadbirlari toʻgʻrisida”gi 306-sonli qarorining mazmun-mohiyatini xodimlarga tushuntirish yuzasidan seminar o‘tkazildi.   

Yigilishni boshqarma boshligʻi o‘rinbosari A.Azimov kirish soʻzi bilan ochib, kun tartibidagi masalalarga toʻxtalib o‘tdi hamda Oʻzbekiston Respublikasi Vazirlar Mahkamasining mazkur qarorining mazmun-mohiyati haqida tushuncha berdi.   

Shundan so‘ng boshqarma boshligʻi o‘rinbosari A.Azimov ushbu qarorning maqsadi Oʻzbekiston Respublikasi Prezidentining “Korrupsiyaga qarshi kurashish tizimini yanada takomillashtirish hamda davlat organlari va tashkilotlari faoliyati ustidan jamoatchilik nazorati tizimi samaradorligini oshirish chora-tadbirlari toʻgʻrisida” 2023-yil 27-noyabrdagi PF-200-son Farmoni ijrosini taʼminlash ekanligi haqida aytib o‘tdi.    

Shuningdek, mazkur qarorqa muvofiq 2026-yil 1-sentabrdan boshlab davlat xaridlari elektron tizimlarida Autsorsing xizmatlarini tashkil etish boʻyicha maxsus sahifa ishga tushirilishi, ijro etuvchi hokimiyat organlarining birinchi rahbarlari autsorsingga oʻtkazilgan funksiyalarning amalga oshirilishi ustidan nazoratni toʻliq taʼminlash boʻyicha shaxsan javobgar etib belgilanganligi haqida aytib o`tildi hamda ijro etuvchi hokimiyat organlari muntazam ravishda autsorsingga oʻtkazilgan funksiyalarning ijrosi samaradorligini oshirish boʻyicha autsorserlarga uslubiy yordam koʻrsatib borishi, autsorsing tizimiga oʻtish munosabati bilan iqtisod qilingan mablagʻlar, birinchi navbatda, ijro etuvchi hokimiyat organlarining moddiy-texnik bazasini yaxshilashga yoʻnaltirilishi belgilanganligi ham aytib o`tildi.

Bundan tashqari, boshligʻi o‘rinbosari mazkur qarorga muvofiq autsorsing xizmatlaridan foydalanuvchi ijro etuvchi hokimiyat organlari autsorsing xizmatlari joriy etilishi munosabati bilan boʻshatilgan shtat birliklarini qisqartirish boʻyicha choralar koʻrshi belgilanganligi, ijro etuvchi hokimiyat organlari rahbarlari 2026-yil 1-sentabrdan boshlab oʻzlari rahbarlik qilayotgan tashkilotlar tomonidan maxsus sahifa orqali autsorsing xizmatlari boʻyicha davlat xaridlari amalga oshirilishini taʼminlashi, mazkur qaror qabul qilingan kundan boshlab, yangi autsorsing xizmatlarining barchasi mazkur qaror talablari asosida tuzilishi, mazkur qaror kuchga kirgunga qadar tuzilgan autsorsing xizmatlarini koʻrsatish boʻyicha shartnomalar, agar ularda oʻzgacha qoida nazarda tutilmagan boʻlsa, ularning amal qilish muddati tugagunga qadar yoxud qonunchilikda belgilangan tartibda oʻzgartirilgunga yoki bekor qilingunga qadar oʻz kuchini saqlab qolishi nazarda tutilganligi haquda qo`shimcha ma`lumot berib o`tdi.

Seminar yakunida Boshqarma bosh yuriskonsulti F.Tursunov ham so‘zga chiqib, yuqoridagi Oʻzbekiston Respublikasi Vazirlar Mahkamasining qarori haqida xodimlarga qo‘shimcha ma’lumotlar berib o‘tdi.

Joriy yilning 19-iyun sanasida Toshkent shahar statistika boshqarmasida Oʻzbekiston Respublikasi Vazirlar Mahkamasining 11.06.2026-yildagi “Davlat organlari va tashkilotlari xodimlarini, shuningdek, Oʻzbekiston Respublikasi delegatsiyalarini chet davlatlarga xizmat safariga yuborish hamda xizmat safari xarajatlarini moliyalashtirish tartibini yanada takomillashtirish toʻgʻrisida”gi 303-son qarorining mazmun-mohiyatini xodimlarga tushuntirish yuzasidan seminar o‘tkazildi.   

Yigilishni boshqarma boshligʻi o‘rinbosari A.Azimov kirish soʻzi bilan ochib, kun tartibidagi masalalarga toʻxtalib o‘tdi hamda Oʻzbekiston Respublikasi Vazirlar Mahkamasining mazkur qarorining mazmun-mohiyati haqida tushuncha berdi.  

Shundan so‘ng boshqarma boshligʻi o‘rinbosari A.Azimov ushbu qarorning maqsadi xorijiy mamlakatlarga chiqish tartibini takomillashtirish hamda Davlat budjeti xarajatlarining samaradorligini yanada oshirish ekanligi haqida aytib o‘tdi.     

Shuningdek, boshqarma boshligʻi o‘rinbosari mazkur qaror bilan quyidagilar, “Davlat organlari va tashkilotlari xodimlarini, shuningdek, Oʻzbekiston Respublikasi delegatsiyalarini chet davlatlarga xizmat safariga yuborish hamda xizmat safari xarajatlarini moliyalashtirish tartibi toʻgʻrisida”gi nizom 1-ilovaga muvofiq hamda “Oʻzbekiston Respublikasiga chet davlatlarning rasmiy, amaliy va boshqa turli tashriflar bilan keluvchi rahbarlari, delegatsiyalari, siyosiy arboblari va boshqa shaxslarini qabul qilishda Oʻzbekiston Respublikasi Davlat budjeti mablagʻlaridan foydalanish tartibi toʻgʻrisida”gi nizom 2-ilovaga muvofiq tasdiqlanganligini aytib o`tdi.

Bundan tashqari, boshqarma boshligʻi o‘rinbosari mazkur qaroq bilan tasdiqlangan “Davlat organlari va tashkilotlari xodimlarini, shuningdek, Oʻzbekiston Respublikasi delegatsiyalarini chet davlatlarga xizmat safariga yuborish hamda xizmat safari xarajatlarini moliyalashtirish tartibi toʻgʻrisida”gi nizom davlat organlari va tashkilotlari, ustav fondida (ustav kapitalida) davlat ulushi 50 foiz va undan ortiq boʻlgan xoʻjalik birlashmalari xodimlarini, shuningdek, Oʻzbekiston Respublikasi delegatsiyalarini chet davlatlarga xizmat safariga yuborish hamda xizmat safari xarajatlarini moliyalashtirish tartibini belgilashi, xizmat safari xarajatlariga quyidagilar kirishini aytib o`tdi, xususan:

kundalik xarajatlar;

yashash uchun (turar joy ijarasi boʻyicha) xarajatlar;

transport xarajatlari;

vakillik xarajatlari;

koʻzda tutilmagan xarajatlar;

mazkur Nizomga muvofiq qoplanishi lozim boʻlgan boshqa turdagi xarajatlar.

Shuningdek, boshqarma boshligʻi o‘rinbosari mazkur nizomda xizmat safari uchun mablagʻ ajratish tartibi, kundalik xarajatlar uchun mablagʻlar ajratish, yashash uchun (turar joy ijarasi boʻyicha) xarajatlar uchun mablagʻlar ajratish, transport xarajatlari uchun mablagʻlar ajratish, vakillik, koʻzda tutilmagan va boshqa turdagi xarajatlarga mablagʻ ajratish va xizmat safari xarajatlariga berilgan mablagʻlardan foydalanganlik toʻgʻrisidagi boʻnak hisobotini berish tariblari koʻrsatib oʻtilganligi toʻgʻrisida qoʻshimcha maʻlumot berib oʻtdi.

Bundan tashqari, boshqarma boshligʻi o‘rinbosari mazkur qaroq bilan tasdiqlangan “Oʻzbekiston Respublikasiga chet davlatlarning rasmiy, amaliy va boshqa turli tashriflar bilan keluvchi rahbarlari, delegatsiyalari, siyosiy arboblari va boshqa shaxslarini qabul qilishda Oʻzbekiston Respublikasi Davlat budjeti mablagʻlaridan foydalanish tartibi toʻgʻrisida”gi nizom haqida xodimlarga tushunch berib, mazkur nizom Oʻzbekiston Respublikasiga chet davlatlarning rasmiy, amaliy va boshqa turli tashriflar bilan keluvchi ushbu Nizomga 1-ilovada koʻrsatilgan shaxslarni qabul qilish tartibini belgilashi, nizomda chet davlatlar delegatsiyalarini qabul qilish tartibi, chet davlatlar delegatsiyalarini qabul qilishda Oʻzbekiston Respublikasining Davlat budjeti mablagʻlaridan foydalanish tartibi koʻrsatib oʻtilganligi toʻgʻrisida qoʻshimcha maʻlumot berib oʻtdi.

  Seminar yakunida Boshqarma bosh yuriskonsulti F.Tursunov ham so‘zga chiqib, yuqoridagi Oʻzbekiston Respublikasi Vazirlar Mahkamasining qarori haqida xodimlarga qo‘shimcha ma’lumotlar berib o‘tdi.

Joriy yilning 12-iyun sanasida Toshkent shahar statistika boshqarmasida Oʻzbekiston Respublikasi Vazirlar Mahkamasining 05.06.2026-yildagi “Oʻzbekiston Respublikasi Prezidenti sovrini uchun “Sunʼiy intellekt yoʻnalishida eng yaxshi startap” (President AI Award) tanlovini oʻtkazish tartibi toʻgʻrisida”gi 288-son qarorining mazmun-mohiyatini xodimlarga tushuntirish yuzasidan seminar o‘tkazildi.   

Yigilishni boshqarma boshligʻi o‘rinbosari A.Azimov kirish soʻzi bilan ochib, kun tartibidagi masalalarga toʻxtalib o‘tdi hamda Oʻzbekiston Respublikasi Vazirlar Mahkamasining mazkur qarorining mazmun-mohiyati haqida tushuncha berdi.   

Shundan so‘ng boshqarma boshligʻi o‘rinbosari A.Azimov ushbu qarorning maqsadi Oʻzbekiston Respublikasi Prezidentining “Sunʼiy intellekt texnologiyalarini yanada rivojlantirishga oid qoʻshimcha chora-tadbirlar toʻgʻrisida” 2025-yil 22-oktabrdagi PF-189-son Farmoni ijrosini taʼminlash hamda yoshlarning sunʼiy intellekt texnologiyalariga qiziqishini yanada oshirish va ularni ragʻbatlantirish ekanligi haqida aytib o‘tdi.    

Shuningdek, mazkur qarorda quyidagilarni nazarda tutuvchi Oʻzbekiston Respublikasi Prezidentining sovrini uchun “Sunʼiy intellekt yoʻnalishida eng yaxshi startap” (President AI Award) tanlovini oʻtkazish tartibi toʻgʻrisidagi nizom 1-ilovaga muvofiq tasdiqlanganligi haqida aytib o`tildi:

sunʼiy intellekt texnologiyalariga asoslangan, iqtisodiyot tarmoqlari va sohalarini rivojlantirishga xizmat qiladigan istiqbolli biznes-gʻoyalar hamda istiqbolli startap loyihalarni aniqlash va saralash tizimini yaratish;

ichki va tashqi bozorlarga moʻljallangan, eksportbop hamda xalqaro raqobatbardosh sunʼiy intellekt mahsulotlari va yechimlari ishlab chiqilishini ragʻbatlantirish;

tanlov doirasida yosh mutaxassislarning sunʼiy intellekt texnologiyalari yordamida modellashtirish, maʼlumotlar bilan ishlash va jamoaviy faoliyat boʻyicha qiziqishi, amaliy koʻnikmalari va salohiyatini yanada oshirish.

Bundan tashqari, mazkur qaror bilan Oʻzbekiston Respublikasi Prezidentining sovrini uchun “Sunʼiy intellekt yoʻnalishida eng yaxshi startap” (President AI Award) tanlovini oʻtkazish boʻyicha tashkiliy qoʻmita tarkibi 2-ilovaga muvofiq tasdiqlanib, tashkiliy qoʻmitaning asosiy vazifalari etib quyidagilar belgilanganligi aytib o`tilde, jumladan:

tanlovni oʻtkazish bilan bogʻliq tegishli qarorlar qabul qilish, uni oʻtkazish muddatlari va masʼullarini belgilash;

“Dasturiy mahsulotlar va axborot texnologiyalari texnologik parki direksiyasi” MCHJ tomonidan taqdim qilingan saralash va baholash mezonlarini tasdiqlab, tanlovning maxsus portalida ularning eʼlon qilib borilishini taʼminlash;

tanlovning shaffof, adolatli va yuqori saviyada oʻtkazilishini taʼminlash hamda gʻoliblarni taqdirlash;

tanlov gʻoliblarining sunʼiy intellektga asoslangan startap loyihalari iqtisodiyot tarmoqlari va sohalarida amaliyotga joriy etilishiga koʻmaklashish.

Shuningdek, boshqarma boshligʻi o‘rinbosari A.Azimovning soʻzlariga koʻra, mazkur qarorga muvofiq shunday tartib oʻrnatiladiki, unga koʻra tanlovda gʻolib boʻlgan yuridik shaxslar quyidagi miqdorlarda Markaziy bankning toʻlov amalga oshiriladigan kunidagi rasmiy kursi boʻyicha milliy valyuta ekvivalentida “IT Park Ventures” MCHJ tomonidan ulush evaziga investitsiya koʻrinishidagi mukofotlar bilan taqdirlanadi:

1-oʻrin uchun — 100 000 AQSH dollari;

2-oʻrin uchun — 60 000 AQSH dollari;

3-oʻrin uchun — 40 000 AQSH dollari.

Bunda tanlov gʻoliblariga mukofot mablagʻlari ikki transhda teng miqdorlarda muhim samaradorlik koʻrsatkichlari bajarilishiga qarab oʻtkazib beriladi.

Seminar yakunida Boshqarma bosh yuriskonsulti F.Tursunov ham so‘zga chiqib, yuqoridagi Oʻzbekiston Respublikasi Vazirlar Mahkamasining qarori haqida xodimlarga qo‘shimcha ma’lumotlar berib o‘tdi.

Joriy yilning 5-iyun sanasida Toshkent shahar statistika boshqarmasida Oʻzbekiston Respublikasi Prezidentining 25.05.2026-yildagi “Sel-toshqin suvlaridan samarali foydalanishni taʼminlash chora-tadbirlari toʻgʻrisida”gi PQ-201-son qarorining mazmun-mohiyatini xodimlarga tushuntirish yuzasidan seminar o‘tkazildi.   

Yigilishni boshqarma boshligʻi o‘rinbosari A.Azimov kirish soʻzi bilan ochib, kun tartibidagi masalalarga toʻxtalib o‘tdi hamda Oʻzbekiston Respublikasi Prezidentining mazkur qarori mazmun-mohiyati haqida xodimlarga tushuncha berdi.  

Shundan so‘ng boshqarma boshligʻi o‘rinbosari A.Azimov ushbu buyruqning maqsadi hududlarda bahor-yoz mavsumidagi sel-toshqin suvlaridan samarali foydalanish, shuningdek, qoʻshimcha yer maydonlarini oʻzlashtirish orqali yangi ish oʻrinlarini yaratish hamda qishloq xoʻjaligi mahsulotlarini yetishtirish koʻlamini yanada oshirishekanligi haqida aytib o‘tdi.    

Shuningdek, mazkur buyruqda quyidagilar sel-toshqin suvlaridan samarali foydalanishni taʼminlashning asosiy maqsadli koʻrsatkichlari etib belgilanganligi aytib oʻtildi, xususan,

(a) 2027-yildan boshlab respublika hududlarida 5 ta sel-suv omborlarini qurish;

(b) sel-suv omborlarini qurish hisobiga:

(i) Samarqand viloyatida 7 ming gektar, Toshkent viloyatida 2 ming gektar va Jizzax viloyatida 300 gektar yer maydonlarining suv taʼminotini yaxshilash;

(ii) Samarqand viloyatida 3,3 ming gektar va Toshkent viloyatida 300 gektar yangi yerlarni oʻzlashtirish.

Bundan tashqari, Suv xoʻjaligi vazirligi, viloyatlar hokimliklari, “Agrobank” ATB hamda Irrigatsiya va suv muammolari ilmiy-tadqiqot instituti hamkorligida ilmiy tavsiya va xulosalar asosida respublika boʻyicha kichik suv zaxiralarini barpo qilish imkoniyati mavjud boʻlgan 60 ta hudud aniqlanganligi maʼlumot uchun qabul qilinib, 2027 — 2030-yillarda quriladigan sel-suv omborlarining manzilli dasturi qaror ilovasiga muvofiq tasdiqlandi hamda Suv xoʻjaligi vazirligiga Dastur doirasida:

(a) loyiha-qidiruv ishlarini sifatli tashkil etib, loyihalashtirishda texnik yechimlar xalqaro tajriba va ilmiy yondashuv asosida aniqlanishini taʼminlash;

(b) qurilish ishlarini qurilish hududi yon-atrofida yashovchi aholining xavfsizligini taʼminlagan holda zamonaviy talablar asosida tashkil etishi belgilanganligi aytib o`tildi.

Shuningdek, sel-suv omborlari Suv xoʻjaligi vazirligi tizimidagi foydalanuvchi tashkilotlar balansiga begʻaraz topshirilishini inobatga olgan holda davlat-xususiy sheriklik toʻgʻrisidagi bitimda quyidagilar koʻzda tutilishi belgilanganligi haqida tushuncha berib o`tildi:

(a) sel-suv omborlari xususiy sherik hisobidan quriladi hamda xususiy sherik uchun quyidagilarga ruxsat beriladi:

(i) sel-suv omborlari himoya zonalarida belgilangan tartibda tasdiqlangan master reja asosida turistik-rekreatsion zonalarni tashkil etishga.

Bunda ushbu hududlar 49 yilga keyinchalik uzaytirish sharti bilan foydalanish uchun toʻlovsiz asosda beriladi;

(ii) sel-suv omborlari suv havzasida baliqchilik xoʻjaligini tashkil etishga hamda inshootlar xavfsizligiga taʼsir qilmaydigan boshqa daromad keltiruvchi faoliyat bilan shugʻullanishga;

(b) davlat sherigi sifatida sel-suv omborlarini ekspluatatsiya qilish hamda ulardagi suv resurslarini boshqarish Suv xoʻjaligi vazirligi tomonidan amalga oshiriladi.

Seminar yakunida Boshqarma bosh yuriskonsulti F.Tursunov ham so‘zga chiqib, yuqoridagi Oʻzbekiston Respublikasi Adliya vazirining buyrugʻi haqida xodimlarga qo‘shimcha ma’lumotlar berib o‘tdi.

Joriy yilning 26-may sanasida Toshkent shahar statistika boshqarmasida Oʻzbekiston Respublikasi Vazirlar Mahkamasining 25.05.2026-yildagi “2026 — 2030-yillar uchun Oʻzbekiston Respublikasida atrof tabiiy muhitning davlat monitoringi dasturini tasdiqlash toʻgʻrisida”gi 275-son qarorining mazmun-mohiyatini xodimlarga tushuntirish yuzasidan seminar o‘tkazildi.     

Yigilishni boshqarma boshligʻi o‘rinbosari A.Azimov kirish soʻzi bilan ochib, kun tartibidagi masalalarga toʻxtalib o‘tdi hamda Oʻzbekiston Respublikasi Vazirlar Mahkamasining mazkur qarori mazmun-mohiyati haqida xodimlarga tushuncha berdi.  

Shundan so‘ng boshqarma boshligʻi o‘rinbosari A.Azimov ushbu qarorning maqsadi Oʻzbekiston Respublikasi Prezidentining “Oʻzbekiston — 2030” strategiyasini “Atrof-muhitni asrash va “yashil iqtisodiyot” yilida amalga oshirishga oid davlat dasturi toʻgʻrisida” 2025-yil 30-yanvardagi PF-16-son Farmoni ijrosini taʼminlash, shuningdek, 2030-yilgacha boʻlgan davrda Oʻzbekiston Respublikasining Atrof-muhitni muhofaza qilish konsepsiyasiga muvofiq atrof-muhitni muhofaza qilish va tabiatdan oqilona foydalanish sohasida davlat nazoratini hamda atrof-muhitning ekologik monitoringi tizimini takomillashtirish ekanligi haqida aytib o‘tdi.     

Shuningdek, boshqarma boshligʻi o‘rinbosari mazkur qaror bilan 2026 — 2030-yillar uchun Oʻzbekiston Respublikasida atrof tabiiy muhitning davlat monitoringi dasturi 1-ilovaga muvofiq tasdiqlanganligi, vazirliklar, idoralar, xoʻjalik birlashmalari, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari mazkur qaror hamda Dasturda nazarda tutilgan vazifalarning oʻz vaqtida sifatli bajarilishini taʼminlashi zarurligi belgilanganligi haqida aytib o`tdi.

Bundan tashqari, mazkur qarorda Oʻzbekiston Respublikasi Ekologiya va iqlim oʻzgarishi milliy qoʻmitasiga quyidagi topshiriqlar berildi, xususan,

vazirliklar, idoralar va xoʻjalik birlashmalarining tasdiqlangan Dasturda nazarda tutilgan vazifalarni bajarish boʻyicha faoliyati muvofiqlashtirilish;

atrof tabiiy muhit holati toʻgʻrisidagi maʼlumotlar umumlashtirilishi va chuqur tahlil qilinishini, shuningdek, har yili atrof tabiiy muhit holati toʻgʻrisida byulleten va har uch yilda Oʻzbekiston Respublikasida atrof tabiiy muhit holati va tabiiy resurslardan foydalanish toʻgʻrisidagi milliy maʼruza nashr etish;

atrof tabiiy muhitning davlat monitoringini amalga oshirish vazifasi yuklangan respublika ijro etuvchi hokimiyat organlari bilan birgalikda atrof-muhit monitoringini amalga oshirishda Oʻzbekiston Respublikasi Raqamli texnologiyalar vazirligi huzuridagi Kosmik tadqiqotlar va texnologiyalar agentligi bilan oʻzaro hamkorlik rivojlantirish;

har yili Dastur doirasida amalga oshiriladigan chora-tadbirlarning natijalari toʻgʻrisidagi xolis va toʻliq maʼlumot aholiga yetkazilishini va jamoatchilik eshituvlari oʻtkazilish;

Dastur tadbirlari ijrosi haqida yarim yillik va yil yakunlari boʻyicha umumlashtirilgan hisobot Vazirlar Mahkamasiga kiritib borilishini taʼminlash.

Shuningdek, atrof tabiiy muhitning davlat monitoringini amalga oshirish vazifasi yuklangan respublika ijro etuvchi hokimiyat organlari atrof tabiiy muhit davlat monitoringi natijalarini avtomatik uzatish uchun 2026-yil 1-iyulga qadar idoraviy elektron axborot maʼlumotlar bazasini Ekologiya va iqlim oʻzgarishi milliy qoʻmitasining axborot tizimlariga integratsiya qilish ishlarini yakunlash belgilanganligi haqida ham aytib o`tilde.

Seminar yakunida Boshqarma bosh yuriskonsulti F.Tursunov ham so‘zga chiqib, yuqoridagi Oʻzbekiston Respublikasi Vazirlar Mahkamasining haqida xodimlarga qo‘shimcha ma’lumotlar berib o‘tdi.

Joriy yilning 22-may sanasida Toshkent shahar statistika boshqarmasida Oʻzbekiston Respublikasi Vazirlar Mahkamasining 19.05.2026-yildagi “Yoshlarni oilaviy hayotga tayyorlash tizimini yanada takomillashtirish hamda oilaviy maslahat xizmatlarini tashkil etish chora-tadbirlari toʻgʻrisida”gi 257-son qarorining mazmun-mohiyatini xodimlarga tushuntirish yuzasidan seminar o‘tkazildi.    

Yigilishni boshqarma boshligʻi o‘rinbosari A.Azimov kirish soʻzi bilan ochib, kun tartibidagi masalalarga toʻxtalib o‘tdi hamda Oʻzbekiston Respublikasi Vazirlar Mahkamasining mazkur qarori mazmun-mohiyati haqida xodimlarga tushuncha berdi.  

Shundan so‘ng boshqarma boshligʻi o‘rinbosari A.Azimov ushbu qarorning maqsadi Oʻzbekiston Respublikasi Prezidentining “Oila va xotin-qizlarni tizimli qoʻllab-quvvatlashga doir ishlarni yanada jadallashtirish chora-tadbirlari toʻgʻrisida” 2022-yil 7-martdagi PF-87-son Farmoniga muvofiq, yoshlarni oilaviy hayotga tayyorlash tizimini takomillashtirish, huquqiy va psixologik xizmatlar koʻrsatish, ota-onalikka tayyorlash taʼlim dasturlari orqali masʼuliyatli ota-onalik koʻnikmalarini shakllantirish va oilalarda maʼnaviy-axloqiy muhitni yanada yaxshilash etib belgilanligi aytib o‘tildi.

Shuningdek, vazkur qarorda Oila va xotin-qizlar qoʻmitasi, Yoshlar ishlari agentligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining tuman (shahar) oila va xotin-qizlar boʻlimlari huzuridagi Yoshlarni oilaviy hayotga tayyorlash markazlari negizida tuman (shahar) oila va xotin-qizlar boʻlimlari tizimida yuridik shaxs boʻlmagan Oila va xotin-qizlar maskanlarini (keyingi oʻrinlarda — maskanlar) tashkil etish toʻgʻrisidagi taklifi maʼqullanganligi, Maskanlarning asosiy vazifalari etib quyidagilar belgilanganligi to`g`risida batafsil ma`lumot berib o`tildi, xususan:

nikohlanuvchi yoshlar, oilasida muammosi boʻlgan, nikoh qurganiga 5 yil toʻlmagan hamda oilaviy ajrim bilan bogʻliq nizoli oilalarni alohida dasturlar asosida oʻqitish;

psixologik, huquqiy, mediativ, tibbiy, mentorlik yoʻnalishlarida oilaviy maslahat xizmatlarini koʻrsatish;

yoshlar uchun giyohvandlik, erta tugʻruq va erta nikohning oqibatlari, yot gʻoyalarga qarshi immunitetni shakllantirishga qaratilgan oʻquvlar tashkil etish;

nikohlanuvchi yoshlar uchun oilaviy hayot psixologiyasi, oila iqtisodi va budjeti, reproduktiv salomatlik asoslari, oilaviy-huquqiy munosabatlar hamda maʼnaviy-axloqiy qadriyatlarni mustahkamlash, shu jumladan, oiladagi nizolarni zoʻravonliksiz hal etish madaniyatini shakllantirish masalalari boʻyicha “maishiy zoʻravonliksiz baxtli oilaviy hayotga tayyorlash” maxsus kurslarini tashkil etish;

profilaktika hisobida turgan ayollarga stress, qoʻrquv va ishonchsizlikni yengish hamda ijtimoiy moslashuv dasturlarini tashkil etish;

oilasida muammosi boʻlgan, nikoh qurganiga 5 yil toʻlmagan oilalar uchun oilaviy muammolarni bartaraf etish koʻnikmasini shakllantirish, bola psixologiyasi, ota-onalikni rivojlantirishga qaratilgan taʼlim dasturlarini amalga oshirish;

oilaviy ajrim bilan bogʻliq, sud va FHDY organlariga ariza bergan nizoli oilalar bilan alohida ishlash, muloqotni tiklashga qaratilgan mashgʻulotlar oʻtkazish, oilaviy ajrimlarning oqibatlari yuzasidan tushuntirish ishlarini olib borish;

migratsiyadan qaytgan, ogʻir ahvoldagi ayollarning ruhiy va hissiy salomatligini tiklash, ularning jamiyatga integratsiya qilinishi yuzasidan kuzatuv va qoʻllab-quvvatlash dasturlarini yoʻlga qoʻyish;

zoʻravonlik sodir etgan yoki sodir etishga moyil boʻlgan shaxslar uchun zoʻravonlik holatlarining salbiy oqibatlari va qonuniy javobgarligini tushuntirish, hissiyotlarni boshqarishni oʻrgatish;

sogʻlom ovqatlanish, nutritsiologiya, diyetologiya boʻyicha maslahatlar berish, sport-sogʻlomlashtirish tadbirlarini tashkil etish;

lider tadbirkorlarni jalb qilgan holda, zamonaviy tadbirkorlik koʻnikmalarini shakllantirish boʻyicha xotin-qizlarga maslahatlar berish;

“Xavfsiz migratsiya”ni taʼminlashda ayollarga koʻmaklashish, mehnat bozorida talab yuqori boʻlgan daromadli kasb-hunar va xorijiy tillarga oʻqitish, konsalting xizmatlarini tashkil etish.

Seminar yakunida Boshqarma bosh yuriskonsulti F.Tursunov ham so‘zga chiqib, yuqoridagi Oʻzbekiston Respublikasi Vazirlar Mahkamasining qarori haqida xodimlarga qo‘shimcha ma’lumotlar berib o‘tdi.

Joriy yilning 15-may sanasida Toshkent shahar statistika boshqarmasida Oʻzbekiston Respublikasi Prezidentining  12.05.2026-yildagi “Oziq-ovqat mahsulotlari xavfsizligi qoʻmitasi faoliyatini tashkil etish chora-tadbirlari toʻgʻrisida”gi PQ-178-son qarorining mazmun-mohiyatini xodimlarga tushuntirish yuzasidan seminar o‘tkazildi.    

Yigilishni boshqarma boshligʻi o‘rinbosari A.Azimov kirish soʻzi bilan ochib, kun tartibidagi masalalarga toʻxtalib o‘tdi hamda Oʻzbekiston Respublikasi Prezidentining  mazkur qarori mazmun-mohiyati haqida xodimlarga tushuncha berdi.  

Shundan so‘ng boshqarma boshligʻi o‘rinbosari A.Azimov ushbu qarorning maqsadi Oʻzbekiston Respublikasi Prezidentining 2026-yil 12-maydagi “Oziq-ovqat mahsulotlari xavfsizligi, fitosanitariya va veterinariya sohalarida yagona davlat boshqaruvi va nazorat tizimini joriy etish chora-tadbirlari toʻgʻrisida”gi PF-84-son Farmoni ijrosini taʼminlash ekanligi haqida aytib o‘tdi.      

Shuningdek, boshqarma boshligʻi o‘rinbosari mazkur qaror bilan,

 (a) Oziq-ovqat mahsulotlari xavfsizligi qoʻmitasining tashkiliy tuzilmasi 1-ilovaga muvofiq;

(b) Oziq-ovqat mahsulotlari xavfsizligining yagona tizimini bosqichma-bosqich joriy qilish hamda sohada islohotlarni chuqurlashtirish boʻyicha “yoʻl xaritasi” 2-ilovaga muvofiq tasdiqlanganligini, Oziq-ovqat mahsulotlari xavfsizligi qoʻmitasi zimmasiga yuklatilgan vazifalar ijrosini samarali tashkil etish va sohadagi islohotlarni muvofiqlashtirish boʻyicha ishchi guruh 3-ilovaga muvofiq tarkibda tashkil etilganligini, Ishchi guruh 2026-yil 1-avgustga qadar oziq-ovqat mahsulotlari xavfsizligi, fitosanitariya va veterinariya sohasi faoliyati bilan bogʻliq mol-mulkni xatlovdan oʻtkazib, Qoʻmitaga berilishi bilan bogʻliq barcha chora-tadbirlarning amalga oshirishni tashkil etishi belgilanganligi haqida aytib o`tdi.

Bundan tashqari, Boshqarma boshligʻi o‘rinbosari mazkur qarorda quyidagilar belgilanganligini alohida ta`kidlab o`tdi, xususan

(a) Qoʻmitaga Oʻzbekiston Respublikasi Prezidenti tomonidan lavozimga tayinlanadigan va lavozimidan ozod etiladigan rais rahbarlik qiladi;

(b) Qoʻmita Oʻzbekiston Respublikasi Prezidenti va Bosh vaziriga boʻysunadi va hisobdordir;

(v) Qoʻmita raisi Oʻzbekiston Respublikasi Prezidenti tomonidan lavozimga tayinlanadigan va lavozimidan ozod etiladigan 5 nafar oʻrinbosar, shu jumladan, bir nafar birinchi oʻrinbosarga ega boʻladi;

(g) Qoʻmita raisi va uning oʻrinbosarlari maqomi, tibbiy va transport xizmat koʻrsatish shartlari boʻyicha tegishli ravishda vazir va vazir oʻrinbosariga tenglashtiriladi;

(d) Qoraqalpogʻiston Respublikasi Oziq-ovqat mahsulotlari xavfsizligi qoʻmitasi, viloyatlar va Toshkent shahar oziq-ovqat mahsulotlari xavfsizligi bosh boshqarmalari (keyingi oʻrinlarda — hududiy boʻlinmalar) boshliqlari tegishlicha Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan kelishilgan holda Qoʻmita raisi tomonidan lavozimga tayinlanadi va lavozimidan ozod qilinadi;

(j) Qoʻmitaning tizim tashkilotlari rahbarlari Qoʻmita raisi tomonidan lavozimga tayinlanadi va lavozimidan ozod qilinadi;

(z) oziq-ovqat mahsulotlari xavfsizligi sohasida nazoratni amalga oshiradigan xodimlarning formali kiyim-bosh va farqlash belgilarini xarid qilish bilan bogʻliq xarajatlar Oʻzbekiston Respublikasining respublika budjeti hamda Qoʻmitaning budjetdan tashqari mablagʻlari hisobidan amalga oshiriladi;

(i) oziq-ovqat mahsulotlari xavfsizligi sohasida xalqaro grant loyihalari va texnik koʻmak dasturlari Qoʻmita bilan hamkorlikda ishlab chiqiladi, kelishiladi, muvofiqlashtiriladi, monitoring qilinadi hamda amalga oshiriladi.

Seminar yakunida Boshqarma bosh yuriskonsulti F.Tursunov ham so‘zga chiqib, yuqoridagi Oʻzbekiston Respublikasi Prezidentining qarori haqida xodimlarga qo‘shimcha ma’lumotlar berib o‘tdi.

Joriy yilning 1-may sanasida Toshkent shahar statistika boshqarmasida Oʻzbekiston Respublikasi Vazirlar Mahkamasining 18.03.2026-yildagi “Respublika va mahalliy ijro eguvchi hokimiyat organlari faoliyatida ish jarayonlarini raqamlashtirish doirasida qogʻozdan foydalanishni tartibga solish chora-tadbirlari toʻgʻrisida”gi 109-son qarorining mazmun-mohiyatini xodimlarga tushuntirish yuzasidan seminar o‘tkazildi.   

Yigilishni boshqarma boshligʻi o‘rinbosari A.Azimov kirish soʻzi bilan ochib, kun tartibidagi masalalarga toʻxtalib o‘tdi hamda Oʻzbekiston Respublikasi Vazirlar Mahkamasining mazkur qarori mazmun-mohiyati haqida xodimlarga tushuncha berdi.  

Shundan so‘ng boshqarma boshligʻi o‘rinbosari A.Azimov ushbu qarorning maqsadi Oʻzbekiston Respublikasi Prezidentining “Oʻzbekiston — 2030” strategiyasini “Atrof-muhitni asrash va “yashil iqtisodiyot” yilida amalga oshirishga oid davlat dasturi toʻgʻrisida” 2025-yil 30-yanvardagi PF-16-son Farmoni ijrosini taʼminlash, shuningdek, respublika va mahalliy ijro etuvchi hokimiyat organlari faoliyatida qogʻozsiz ish yuritishga oʻtish jarayonini jadallashtirish va elektron hujjat aylanish samaradorligini yanada oshirish ekanligi haqida aytib o‘tdi.     

Shuningdek, boshqarma boshligʻi o‘rinbosari ushbu qaror bilan Respublika va mahalliy ijro etuvchi hokimiyat organlari:

1. a) 2026-yil 1-mayga qadar quyidagilarni nazarda tutuvchi qogʻozsiz ish yuritishga bosqichma-bosqich oʻtish boʻyicha “yoʻl xaritalari”ni ishlab chiqib, Raqamli texnologiyalar vazirligi bilan kelishgan holda tasdiqlashi belgilanganligini:

barcha ichki xizmat yozishmalari, buyruqlar, yigʻilish bayonlari va hisobotlarni toʻliq elektron shaklda yuritish;

printerlarni ikki tomonlama chop etish rejimida ishlatish boʻyicha majburiy talabni joriy qilish;

qayta ishlangan qogʻoz mahsulotlarini xarid qilish va ulardan keng foydalanish;

1. b) 2026-yil 1-iyunga qadar:

ishlatilgan qogʻozlarni yigʻish uchun maxsus chiqindi quti (konteyner)larini tashkil etsin va ularni qayta ishlash korxonalariga yetkazish tizimini yoʻlga qoʻyish;

har bir tarkibiy boʻlinmadagi xodimlar soni, ish hajmi va haqiqiy ehtiyojdan kelib chiqqan holda, qogʻoz sarfi uchun cheklov joriy qilinishi belgilanganligini aytib o`tdi.

Bundan tashqari, boshqarma boshligʻi o‘rinbosari A.Azimov tomonidan mazkur qarorga muvogiq 2026-yil 1-maydan boshlab respublika va mahalliy ijro etuvchi hokimiyat organlarida quyidagilar belgilanganligini aytib o`tdi, xususan:

kelgusi besh yil davomida xarajatlar smetasini tuzish jarayonida qogʻoz, siyoh, printer va nusxa koʻchirish uskunalarini xarid qilish xarajatlari miqdori har yili 15 foizga kamaytirilgan holda rejalashtiriladi;

printerlardan markazlashgan holda umumiy foydalanish tizimi joriy qilinadi. Bunda umumiy foydalanishdagi ochiq ofisda (open space) faoliyat yurituvchi har 20 nafar xodim uchun 1 dona printer ajratiladi va ularga hisob identifikatorlari oʻrnatilib, har bir xodim kesimida qogʻoz sarfining hisobi yuritib boriladi;

qogʻozsiz ish yuritish respublika va mahalliy ijro etuvchi hokimiyat organlari xodimlarining faoliyatini eng muhim samaradorlik koʻrsatkichlari (KPI) asosida baholash mezonlaridan biri hisoblanadi. Bunda ushbu koʻrsatkich har oy yakuni boʻyicha tahlil qilinib, xodimlarning shaxsiy ustamalarini belgilashda inobatga olinadi;

har oyda bir marotaba “Qogʻozsiz bir kun” ekoaksiyasi oʻtkaziladi hamda ushbu kun davomida respublika va mahalliy ijro etuvchi hokimiyat organlari tomonidan hujjatlar toʻliq elektron shaklda yuritiladi;

idoraviy arxivlardagi hujjatlarni toʻliq raqamlashtirish orqali davlat arxiviga elektron shaklda topshirish va qabul qilish tizimi yoʻlga qoʻyiladi.

Seminar yakunida Boshqarma bosh yuriskonsulti F.Tursunov ham so‘zga chiqib, yuqoridagi Oʻzbekiston Respublikasi Vazirlar Mahkamasining qarori haqida xodimlarga qo‘shimcha ma’lumotlar berib o‘tdi.

Joriy yilning 24-aprel sanasida Toshkent shahar statistika boshqarmasida Oʻzbekiston Respublikasi Prezidentining  07.04.2026-yildagi “Aholini asosiy turdagi oziq-ovqat mahsulotlari bilan taʼminlashni qoʻllab-quvvatlashning qoʻshimcha chora-tadbirlari toʻgʻrisida”gi PQ-130-son qarori mazmun-mohiyatini xodimlarga tushuntirish yuzasidan seminar o‘tkazildi.   

Yigilishni boshqarma boshligʻi o‘rinbosari A.Azimov kirish soʻzi bilan ochib, kun tartibidagi masalalarga toʻxtalib o‘tdi hamda Oʻzbekiston Respublikasi Prezidentining mazkur qarori mazmun-mohiyati haqida tushuncha berdi.  

Shundan so‘ng boshqarma boshligʻi o‘rinbosari A.Azimov ushbu qarorning maqsadi joriy logistika va yetkazib berish zanjirlaridagi uzilishlar sharoitida mamlakatimizda oziq-ovqat xavfsizligini taʼminlash, ijtimoiy ahamiyatga ega asosiy oziq-ovqat mahsulotlari narxlarida keskin tebranishlarning oldini olish, ichki isteʼmol bozorida mol va qoʻy goʻshti narxlari barqarorligini saqlash hamda toʻliq zanjirda goʻsht mahsulotlarini ishlab chiqarish imkoniyatlarini kengaytirish uchun vaqtinchalik, shaffof va teng shartlarda qoʻllanadigan choralarni joriy etish ekanligi haqida aytib o‘tdi.     

Shuningdek, boshqarma boshligʻi o‘rinbosari mazkur qarorda Qishloq xoʻjaligi vazirligi hamda Iqtisodiyot va moliya vazirligining goʻsht mahsulotlari narxlari barqarorligini taʼminlashga qaratilgan quyidagi yoʻnalishlarda Oʻzbekiston Respublikasi respublika budjetidan vaqtinchalik subsidiyalar ajratish toʻgʻrisidagi taklifi maʼqullanganligini aytib o`tdi, xususan,

(a) 2026-yil 1-apreldan 2026-yil 1-avgustga qadar tadbirkorlik subyektlariga mol va qoʻy goʻshtini import qilishda, ularni havo transportida tashish xarajatlarining 50 foizi, biroq har bir kilogramm goʻsht uchun 0,8 AQSH dollaridan oshmagan miqdorda;

(b) 2026-yil 1-apreldan 2026-yil 31-dekabrga qadar xorijiy davlatlardan havo transporti orqali import qilingan nasldor qoramol qiymatining 10 foizi, biroq har bir bosh qoramol uchun 4 million soʻmdan oshmagan miqdorda.

Bundan tashqari, Iqtisodiyot va moliya vazirligi mazkur qarorga muvofiq subsidiyalar bilan bogʻliq xarajatlarni moliyalashtirish uchun Qishloq xoʻjaligi vazirligi va Agrar sohada toʻlovlar agentligining hisob-kitoblariga asosan joriy yilda Oʻzbekiston Respublikasi respublika budjetining 2026-yil xarajatlaridan maqbullashtirish belgilangan mablagʻlar hisobidan bosqichma-bosqich 300 milliard soʻm qoʻshimcha mablagʻ ajratilishi belgilanganligi, shuningdek Qishloq xoʻjaligi vazirligi Iqtisodiyot va moliya vazirligi hamda Agrar sohada toʻlovlar agentligi bilan birgalikda bir hafta muddatda quyidagilarni Vazirlar Mahkamasiga kiritishi belgilanganligini aytib o`tdi, xususan:

(a) subsidiyalarni ajratish tartiblarini;

(b) qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisidagi takliflarni.

Seminar yakunida Boshqarma bosh yuriskonsulti F.Tursunov ham so‘zga chiqib, yuqoridagi Oʻzbekiston Respublikasi Prezidentining qarori haqida xodimlarga qo‘shimcha ma’lumotlar berib o‘tdi.

Joriy yilning 17-aprel sanasida Toshkent shahar statistika boshqarmasida Oʻzbekiston Respublikasi Prezidentining  25.03.2026-yildagi ““Eko-madaniyat” umummilliy loyihasi doirasida ekologik taʼlim, ilm-fan va targʻibotni jadallashtirishga oid kompleks chora-tadbirlar toʻgʻrisida”gi PQ-110-son Qarori mazmun-mohiyatini xodimlarga tushuntirish yuzasidan seminar o‘tkazildi.   

Yigilishni boshqarma boshligʻi o‘rinbosari A.Azimov kirish soʻzi bilan ochib, kun tartibidagi masalalarga toʻxtalib o‘tdi hamda Oʻzbekiston Respublikasi Prezidentining mazkur Qarorining mazmun-mohiyati haqida xodimlarga tushuncha berdi.  

Shundan so‘ng boshqarma boshligʻi o‘rinbosari A.Azimov ushbu qarorning maqsadi Mamlakatimizda aholi orasida ekologik odatlarni shakllantirish, taʼlim muassasalari faoliyatining barcha bosqichlarini xalqaro standartlar hamda ekologik meʼyorlar asosida qayta yoʻlga qoʻyish, shuningdek, “Eko-madaniyat” umummilliy loyihasi doirasida maxsus bilim va koʻnikmalarga ega boʻlgan malakali mutaxassislarni dual taʼlim shaklida tayyorlash, qayta tayyorlash va malakasini oshirib borish ekanligi haqida aytib o‘tdi.

Shuningdek, boshqarma boshligʻi o‘rinbosari quyidagilar ushbu Qarorning asosiy maqsadlari etib belgilanganligini aytib o‘tdi, xususan:

(a) 2026-2027-yillar davomida respublikaning har bir hududida oʻrta boʻgʻin kadrlarini tayyorlaydigan 14 ta “yashil” texnikumlar faoliyatini yoʻlga qoʻyish;

(b) 2030-yilgacha respublikaning har bir hududidagi “yashil” texnikumlarda 10 000 nafar oʻrta boʻgʻin kadrlarini tayyorlash uchun ekologik taʼlim va ilmni yanada rivojlantirish;

(v) 2026/2027 oʻquv yilidan boshlab Ekologiya va iqlim oʻzgarishi milliy qoʻmitasi (keyingi oʻrinlarda — Ekologiya qoʻmitasi) tomonidan Tashqi ishlar vazirligi, Oliy taʼlim, fan va innovatsiyalar vazirligi bilan birgalikda Markaziy Osiyo atrof-muhit va iqlim oʻzgarishini oʻrganish universiteti (Green University)ga (keyingi oʻrinlarda — Universitet) Markaziy Osiyo davlatlari hamda boshqa xorijiy mamlakatlardan kamida 50 nafar talabani jalb qilish hamda 2027/2028 oʻquv yilida mazkur koʻrsatkichni kamida ikki baravarga oshirish;

(g) 2026 — 2028-yillarda ekologiya, atrof-muhitni muhofaza qilish va iqlim oʻzgarishi sohasida ilmiy daraja olgan nomzodlar sonini 150 nafargacha yetkazish.

Shuningdek, boshqarma boshligʻi o‘rinbosari mazkur qaror bilan quyidagilar ham belgilanganligini alohida taʻkidlab oʻtdi, xususan

(a) 2026/2027 oʻquv yilidan boshlab mazkur qarorning 1-ilovasida koʻrsatilgan taʼlim muassasalari “yashil” texnikumlar sifatida qayta tashkil etiladi hamda ularda hududning ekologik, ijtimoiy va iqtisodiy sharoitlaridan kelib chiqib, sohalar uchun oʻrta boʻgʻin kadrlarini tayyorlash tizimi yoʻlga qoʻyiladi;

(b) “yashil” texnikumlarning moddiy-texnika bazasini yaxshilash va taʼlim sifatini oshirish maqsadida ular Kasbiy taʼlim agentligi bilan kelishuv asosida Universitetga biriktiriladi;

(v) Universitetning budjet va budjetdan tashqari mablagʻlari hamda Ekologiya qoʻmitasi huzuridagi Umummilliy ekologik muammolarni bartaraf etish davlat maqsadli jamgʻarmasi (keyingi oʻrinlarda — Maxsus jamgʻarma) mablagʻlari hisobidan “yashil” texnikumlarning moddiy-texnika bazasini mustahkamlash va pedagoglarni moddiy qoʻllab-quvvatlashga ruxsat beriladi;

(g) “yashil” texnikumlarning direktori va direktor oʻrinbosarlari Oʻzbekiston Respublikasi Prezidentining ekologiya masalalari boʻyicha maslahatchisi — Ekologiya va iqlim oʻzgarishi milliy qoʻmitasi raisi tomonidan lavozimga tayinlanadi va lavozimidan ozod qilinadi.

Seminar yakunida Boshqarma bosh yuriskonsulti F.Tursunov ham so‘zga chiqib, yuqoridagi Oʻzbekiston Respublikasi Prezidentining Qarori haqida xodimlarga qo‘shimcha ma’lumotlar berib o‘tdi.

Joriy yilning 10-aprel sanasida Toshkent shahar statistika boshqarmasida Oʻzbekiston Respublikasi Prezidentining  07.04.2026-yildagi “Oʻzbekiston Respublikasi Qurolli Kuchlari safida muddatli harbiy xizmatni oʻtash nufuzi va jozibadorligini oshirish boʻyicha navbatdagi chora-tadbirlar toʻgʻrisida”gi PF-134-son Qarori mazmun-mohiyatini xodimlarga tushuntirish yuzasidan seminar o‘tkazildi.   

Yigilishni boshqarma boshligʻi o‘rinbosari A.Azimov kirish soʻzi bilan ochib, kun tartibidagi masalalarga toʻxtalib o‘tdi hamda Oʻzbekiston Respublikasi Prezidentining  Qarorining mazmun-mohiyati haqida xodimlarga tushuncha berdi.   

Shundan so‘ng boshqarma boshligʻi o‘rinbosari A.Azimov ushbu Qarorning maqsadi Oʻzbekiston Respublikasi Qurolli Kuchlari safida muddatli harbiy xizmatni oʻtash nufuzi va jozibadorligini oshirish, muddatli harbiy xizmatchilarning jamiyatda mustahkam oʻrin egallashiga har tomonlama koʻmaklashish hamda ularning kasb oʻrganish va taʼlim olishga boʻlgan qiziqish hamda intilishlarini qoʻllab-quvvatlash ekanligi haqida aytib o‘tdi.     

Shuningdek, boshqarma boshligʻi o‘rinbosari Qaror bilan muddatli harbiy xizmatchilar va harbiy xizmatni oʻtagan yoshlarga bir qator imtiyoz va kafolatlar berilayotganligini aytib o‘tdi, xususan 2026/2027 oʻquv yilidan boshlab:

(i) muddatli harbiy xizmatni oʻtayotgan askarlarga (keyingi oʻrinlarda — askarlar) xizmatni oʻtash davrida oliy taʼlim tashkilotlari bakalavriatining masofaviy taʼlim shakliga abituriyent sifatida roʻyxatdan oʻtish, kirish imtihonlarida ishtirok etish va natijasiga koʻra oʻqishga kirishga ruxsat beriladi. Bunda oliy taʼlim tashkilotlariga toʻlov-kontrakt asosida oʻqishga qabul qilingan askarlarga qonunchilikda belgilangan tartibda imtiyozli taʼlim krediti ajratiladi;

(ii) muddatli harbiy xizmatni oʻtash davrida oliy taʼlim tashkilotlariga oʻqishga qabul qilingan askarlar oliy taʼlim tashkilotlarining harbiy tayyorgarlik oʻquv markazlarida oʻqigan talabalarga tenglashtiriladi va oʻqishni tamomlagandan soʻng ularga belgilangan tartibda “zaxiradagi leytenant” harbiy unvoni beriladi;

(iii) muddatli harbiy xizmatni namunali oʻtagan, respublika va xalqaro sport musobaqalarida yoki fan olimpiadalarida 1-oʻrinni qoʻlga kiritgan askarlar orasidan 100 nafari tanlov asosida saralanib, oliy harbiy va oliy harbiylashtirilgan taʼlim muassasalariga dastlabki saralash va maxsus kasbiy tanlov natijalariga koʻra test sinovlarisiz yoki yakka tartibdagi yakuniy suhbatsiz belgilangan yillik kvota doirasida toʻgʻridan-toʻgʻri oʻqishga qabul qilinadi.

Bunda tanlov asosida saralab olinadigan 100 nafar askarlar tegishli vazirlik va idoralar oʻrtasida ular tarkibida muddatli harbiy xizmatni oʻtayotgan askarlarning umumiy soniga mutanosib ravishda taqsimlanadi hamda oʻzlari muddatli harbiy xizmatni oʻtayotgan (oʻtagan) vazirlik va idoralar tarkibidagi hamda ular uchun ofitserlarni tayyorlovchi oliy harbiy taʼlim muassasalariga oʻqishga qabul qilinadi;

(iv) muddatli harbiy xizmatni oʻtash davrida Olimpiya va Osiyo oʻyinlari dasturlariga kiritilgan sport turlari boʻyicha respublika hamda xalqaro musobaqalarda 1-oʻrinni qoʻlga kiritgan askarlar Oʻzbekiston davlat jismoniy tarbiya va sport universitetiga (mos yoʻnalishlarga) kirish sinovlarisiz davlat granti asosida oʻqishga qabul qilinadi;

(v) askarlarning qiziqishi va qobiliyatidan kelib chiqib, harbiy qismlar (muassasalar)da (keyingi oʻrinlarda — harbiy qism) kasbga oʻqitish boʻyicha guruhlar shakllantiriladi hamda askarlarni kamida bitta kasbga oʻqitish boʻyicha olti oygacha boʻlgan muddatda oʻquv kurslari tashkil etiladi. Bunda oʻquv kursini muvaffaqiyatli tamomlagan askarlarga davlat namunasidagi sertifikat beriladi;

(vi) muddatli harbiy xizmatni oʻtab boʻlgan hamda xizmatdan boʻshatilgan yilda oliy taʼlim tashkilotlarida oʻqish istagini bildirgan yoshlarga xorijiy til va fan sertifikati xarajatlari “Yoshlar daftari”ga kiritilgan yoshlarni qoʻllab-quvvatlash jamgʻarmalari mablagʻlari hisobidan qoplab beriladi;

(vii) muddatli harbiy xizmatni oʻtab boʻlgan va xususiy sektorda faoliyat yuritish istagini bildirgan yoshlarga kasb-hunarga oʻqish xarajatlari vaucher asosida belgilangan tartibda Bandlikka koʻmaklashish davlat jamgʻarmasi mablagʻlari hisobidan qoplab beriladi;

(viii) muddatli harbiy xizmatni oʻtab boʻlgan hamda tadbirkorlik bilan shugʻullanish istagida boʻlgan yoshlarga kredit foizi xarajatlari qonunchilikda belgilangan tartibda qoplab beriladi;

(b) 2027-yil 1-apreldan boshlab muddatli harbiy xizmatni oʻtagan yoshlarga davlat organlari va tashkilotlariga ishga kirishda test sinovlari natijalariga koʻra oʻzlari toʻplagan ballning 10 foizi miqdorida qoʻshimcha ball shaklidagi imtiyoz beriladi.

Seminar yakunida Boshqarma bosh yuriskonsulti F.Tursunov ham so‘zga chiqib, yuqoridagi Oʻzbekiston Respublikasi Prezidentining Qarori haqida xodimlarga qo‘shimcha ma’lumotlar berib o‘tdi.

              Joriy yilning 3-aprel sanasida Toshkent shahar statistika boshqarmasida Oʻzbekiston Respublikasi Prezidentining 25.03.2026 -yildagi “Aholini kuz-qish mavsumlarida qishloq xoʻjaligi mahsulotlari bilan barqaror taʼminlashning qoʻshimcha chora-tadbirlari toʻgʻrisida”gi PQ-108-son Qarori mazmun-mohiyatini xodimlarga tushuntirish yuzasidan seminar o‘tkazildi.   

Yigilishni boshqarma boshligʻi o‘rinbosari A.Azimov kirish soʻzi bilan ochib, kun tartibidagi masalalarga toʻxtalib o‘tdi hamda Oʻzbekiston Respublikasi Prezidenti qarorining mazmun-mohiyati haqida tushuncha berdi.  

Shundan so‘ng boshqarma boshligʻi o‘rinbosari A.Azimov ushbu Qarorning maqsadi Respublikada yashil iqtisodiyot tamoyillarini joriy etish, shuningdek, issiqxonalarni tabiiy-iqlim sharoitiga qulay boʻlgan hududlarda agropark usulida rivojlantirish orqali energiya resurslarini tejash ekanligi haqida aytib o‘tdi.

Shuningdek, boshqarma boshligʻi o‘rinbosari quyidagilar ushbu Qarorning asosiy maqsadlari etib belgilanganligini aytib o‘tdi, xususan:

(a) Surxondaryo viloyati Sherobod tumanida kamida 940 gektar maydonda zamonaviy issiqxona majmualarini joylashtirish;

(b) energiya tejamkor va muqobil energiya manbalariga asoslangan isitish tizimlari ulushini kamida 50 foizga yetkazish;

(v) atmosfera havosiga zararli tashlamalar tashlayotgan tadbirkorlik subyektlari faoliyatini bosqichma-bosqich kamaytirish.

Shuningdek, boshqarma boshligʻi o‘rinbosari mazkur qaror bilan Qishloq xoʻjaligi vazirligi, Ekologiya va iqlim oʻzgarishi milliy qoʻmitasi hamda Surxondaryo viloyati hokimligining Surxondaryo viloyati tabiiy-iqlim sharoitlaridan unumli foydalanish maqsadida:

(a) mazkur qarorga ilovaga muvofiq Surxondaryo viloyati Sherobod tumanida “Surxon-Agro” erkin iqtisodiy zonasini tashkil etish;

(b) “Surxon-Agro” zonasini rivojlantirish va boshqarish uchun davlat muassasasi shaklida “Surxon-Agro” erkin iqtisodiy zonasi direksiyasi faoliyatini yoʻlga qoʻyish toʻgʻrisidagi takliflariga rozilik berilganligi, “Surxon-Agro” zonasining faoliyat koʻrsatish muddati keyinchalik uzaytirish imkoniyati bilan 30 yilni tashkil etishi, “Surxon-Agro” zonasining faoliyat koʻrsatish muddati mobaynida uning ishtirokchilariga erkin iqtisodiy zonalar ishtirokchilari uchun belgilangan alohida soliq, bojxona imtiyozlari va boshqa preferensiyalar tatbiq etilishi belgilanganligi haqida aytib oʻtdi.

Bundan tashqari, Boshqarma boshlig`i quyidagilar Direksiya faoliyatining ustuvor yoʻnalishi va asosiy vazifalari etib belgilanligini ko`rsatib o`tdi:

(a) issiqxonalarda zamonaviy, energiya tejamkor va raqamli agrotexnologiyalarni joriy etish, avtomatlashtirilgan boshqaruv tizimlari, tomchilatib sugʻorish va qayta tiklanuvchi energiya manbalaridan foydalanishni kengaytirish;

(b) toʻgʻridan-toʻgʻri xorijiy investitsiyalarni jalb qilish, davlat-xususiy sheriklik asosida klaster va kooperatsiya modelini rivojlantirish hamda moliyaviy qoʻllab-quvvatlash mexanizmlarini takomillashtirish boʻyicha takliflar kiritish;

(v) issiqxona xoʻjaliklariga “yagona darcha” tamoyili asosida muhandislik tarmoqlariga ulanish, eksport hujjatlarini rasmiylashtirish hamda davlat subsidiyalarini olish jarayonlarini toʻliq amalga oshirish;

(g) talabgor tadbirkorlar tomonidan mahsulotlarni saralash, qadoqlash va sovitish omborlarini oʻz ichiga olgan zamonaviy agrologistika markazini tashkil etish loyihalari amalga oshirilishiga koʻmaklashish.

Seminar yakunida Boshqarma bosh yuriskonsulti F.Tursunov ham so‘zga chiqib, yuqoridagi Oʻzbekiston Respublikasi Prezidentining Qarori haqida xodimlarga qo‘shimcha ma’lumotlar berib o‘tdi.

Joriy yilning 30-mart kuni... 

Batafsil ...

Batafsil ...

Batafsil ...

Batafsil ...

Batafsil ...

Batafsil ...