2024-yilning yanvar-mart oylarida axborot va aloqa tarmogʻining mamlakat iqtisodiyotidagi ulushi 2,4 % ni tashkil etdi.
Mazkur tarmoq yalpi qoʻshilgan qiymati tarkibida asosiy ulush aloqa xizmatlariga (simli va mobil aloqa xizmatlari, internet tarmogʻi va boshqalarga) toʻgʻri keldi va 52,5 % ni tashkil etdi.
Tarmoqda yaratilgan yalpi qoʻshilgan qiymatning qolgan 47,5 %i axborot va aloqaning boshqa tarmoqlari (nashriyot faoliyati, kompyuter dasturlashtirish sohasidagi faoliyat, dasturlar yaratish boʻyicha faoliyat, telekoʻrsatuv va radio-eshittirish v.b.) hissasiga toʻgʻri keldi.
