Davlatimiz rahbari tomonidan 2021-yil 3-dekabrda “Mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha hokim yordamchilari faoliyatini tashkil etish chora-tadbirlari toʻgʻrisida”gi hamda “Mahallada tadbirkorlikni rivojlantirish, aholi bandligini taʼminlash va kambagʻallikni qisqartirish boʻyicha davlat siyosatining ustuvor yoʻnalishlari toʻgʻrisida”gi farmonlari qabul qilingan edi.
Mazkur farmonlar ijrosini taʼminlash maqsadida yurtimizdagi har bir mahallaga hokim yordamchilari biriktirilgan.
Jumladan,Toshkent shahar statistika boshqarmasi tizimidan ham biriktirilgan 4 nafar hokim yordamchilari har kuni mahallalarda aholi bilan muloqot qilib, ularning muammolarini tinglab, mavjud kamchiliklarni oʻz vaqtida bartaraf etishga harakat qilishyapti.
Toshkent shahar Mirzo Ulug’bek tumani “Iqtidor” MFYga boshqarmadan Arslon Nomozov biriktirilgan. U harakatchanligi, aholi orasiga kirib borib, muammolar yechimiga astoydil yelka tutib, eng avvalo, aholi turmush tarzini oshirish yoʻlida mehnat qilayapti.
Ma’lumot uchun: “Iqtidor‘” MFYda 451 ta xonadon mavjud bo‘lib, doimiy aholi soni 2140 nafarni tashkil etadi. Shundan “Temir daftari”da 160 nafar, “Ayollar daftari”da 65 nafar, “Yoshlar daftari”da 8 nafar fuqaro roʻyxatda turadi.
Hokim yordamchilari tomonidan 2022-yil 9 oyi davomida 14 nafar fuqaroga tadbirkorlik uchun 440 million soʻmlik imtiyozli kreditlar ajratildi.
Bundan tashqari, hokim yordamchisi tashabbussi bilan 120 nafar fuqaro kasb hunarga oqitildi. 5 kishiga subsidiya olib berish, shuningdek, xizmat koʻrsatish, tadbirkorlikning boshqa yoʻnalishlariga jalb etish yoʻli bilan 59 nafar fuqaroning bandligi taʼminlanishiga erishildi. Norasmiy faoliyat olib borayotgan 198 nafar fuqaro o‘z-o‘zi band qilindi.
Axborot xizmati