Joriy yilning 24–27-oktabr kunlari Samarqand shahrida Oʻzbekiston axborot-kommunikatsiya texnologiyalari haftaligi — ICTWEEK UZBEKISTAN haftaligi bo‘lib o‘tmoqda.
ICTWEEK UZBEKISTAN — Oʻzbekiston axborot texnologiyalari sohasida 2004-yildan buyon oʻtadigan har yilgi eng yirk va muhim tadbirdir.Anʼanaviy ravishda, ushbu tadbir bir formatda qator ixtisoslashgan tadbirlarni jamlaydi.
Haftalik doirasida sammit, xalqaro forum, ko’rgazmlar, seminarlar va turli taqdimotlar o’tkazilishi ko’zda tutilgan.
ICTWEEK ning asosiy vazifasi tajriba almashish va zamonaviy texnologiyalar hamda innovatsiyalar yutuqlarini namoyish etish hisoblanadi. Shuningdek, bu Oʻzbekiston AT-bozorining jozibadorligini xorijiy investorlarga namoyish etish, davlat, kompaniyalar va isteʼmolchilar oʻzaro hamkorligi uchun ideal maydonchadir.
Mazkur ICTWEEK UZBEKISTAN haftaligida Davlat statistika qo‘mitasi Rаisining axborot-kommunikatsiya texnologiyalari va axborot xavfsizligi bo`yicha o`rinbosari Ziyayev Zoxidjan Muratovich boshchiligida qo‘mita markaziy apparat xodimlari faol ishtirok etmoqda.
Axborot xizmati