Aytish lozimki, Toshkent shahrida faoliyat ko‘rsatayotgan sanoat korxonalari tomonidan 97 854,1 mlrd. so‘mlik sanoat mahsulotlari ishlab chiqarildi va o‘tgan yilning mos davriga nisbatan sanoat ishlab chiqarish indeksi 106,9% ni tashkil etdi hamda Respublikadagi ulushi 20,1 % ga teng bo‘ldi.
Hisobot yilida 42 599,3 mlrd.so‘mlik iste’mol tovarlari ishlab chiqarilib, 2021 -yil yanvar-noyabrga nisbatan o‘sish 120,3 % ni tashkil etdi. Iste’mol tovarlari ishlab chiqarilishi Respublikadagi ulushi 24,8 % ni tashkil etdi.
Qurilish ishlari 28 236,2 mlrd. so‘m, o‘sish sur’ati 102,8% ni tashkil etdi, Respublikadagi ulushi 24,5 % ga teng.
Ko‘rsatilgan bozor xizmatlari hajmi 123 388,2 mlrd.so‘mni tashkil etib, 2021-yilning mos davriga nisbatan o‘sish sur’ati 117,9 % ni tashkil etdi. Shuningdek, Toshkent shaharida ko‘rsatilgan xizmatlarning Respublikadagi ulushi 38,2 % ni tashkil etdi.
Chakana savdo tovar aylanmasi 70 723,2 mlrd. so‘mni, 2021-yilning shu davriga nisbatan 113,2 % ni, Respublikadagi ulushi 25,6 % ni tashkil qildi. Toshkent shahrining tashqi savdo aylanmasi 2022-yil yanvar–noyabr oylarida 17 627,1 mln.AQSh dollarni, jumladan eksport 4 198,5 mln. AQSh dollarni, import 13 428,6 mln. AQSh dollarni tashkil etdi.
Davlat xizmatlari agentligi tomonidan ro‘yhatdan o‘tgan korxonalar va tashkilotlar soni 2022 -yilning 1-dekabr holatiga ko‘ra 121529 tani tashkil etib, ulardan 117027 tasi yoki 96,3 % faoliyat ko‘rsatmoqda. 2022 -yilning yanvar-noyabr oylarida Toshkent shahrida 14634 ta korxona va tashkilotlar yangi tashkil etildi.
Toshkent shahar statistika boshqarmasi boshlig‘i
L.Mirsoatov